2009年12月31日 星期四

又開爐焗嘢食啦!

 
哈哈!由中國返嚟香港之後,
 
好掛住我個新玩具焗爐添!
 
其實因為焗爐7日內有壞包換,
 
所以咪勤力D焗,
 
睇吓焗爐有冇問題囉!
 
今次我就焗咗兩種超簡單嘅嘢食啦!
 

中國之旅~盤龍峽第二天(1)

 
12月29日,
天氣凍冷仲落雨添!
吃過早餐後,
便出發到盤龍峽生態旅遊區遊覽。
我們坐10人民幣巴士上山頂,
然後從山頂慢慢步行落山,
沿途風景優美,
由於天雨路滑,
原本1小時行完嘅路程,
差不多步行了2小時之多,
行到腳有點攰和酸軟啊!
我諗係時候開始要鍛鍊身體啦!

2009年12月30日 星期三

中國之旅~盤龍峽第一天

 
 
12月28日早上9時,
我和老公便出發到深圳灣關口
等待關鍵嘅旅遊巴士,
今次整團有38人。
 

2009年12月26日 星期六

Boxing day拆禮物啦!

 
今日係12月26日boxing day,
 
終於可以拆禮物啦!
 
呢份禮物係我想要好耐,
 
不過老公成日話買咗唔知擺邊,
 
所以一直都冇買,
 
好失望啊!
 
近日,我放假無無聊聊行百佳,
 
俾我睇到一個好抵嘅焗爐~皇冠牌$199咋!
 
對一個唔識用焗爐嘅我,
 
梗係想買返屋企當玩具玩吓都好啦!
 
焗吓雞翼和意粉,
 
諗起都想食呀!
 
不過梗係要問問老公意見啦!
 
點知老公話買囉!
 
仲話當係聖誕節禮物添!
 
咁我即刻買咗返屋企,
 
整我第一道用焗爐整嘅美食啦~芝士洋蔥肉醬焗意粉!
 
 
 

2009年12月24日 星期四

平安夜!

 
早上,
 
收到老公電話,
 
佢話每年我放假都會專登出去同佢飲茶,
 
又係喎!
 
咁咪應承佢囉!
 
點知佢話搵多6個位要埋同事飲茶,
 
激死我啦!
 
明知我唔鐘意搵位和等位啦!
 
仲要我搵埋俾佢D同事,
 
不過俾面老公,
 
唔好係同事面前失威,
 
好啦!順你一次咁多啦!

2009年12月22日 星期二

冬至!

 
今日是中國節令之一嘅冬至,
正所謂冬大過年,
雖然唔係咩好餸,
最重要梗係一家大細坐埋一齊食餐飯啦!
 
  

2009年12月18日 星期五

熱辣辣羊腩火煱!

 
今日天寒地凍,
 
適逢幼稚園個廚房訂羊肉星期一打邊爐,
 
又咁啱訂多咗羊肉,
 
又見一磅都係$22,
 
於是咪叫廚房讓3磅過我,
 
自己炆嚟食先得!
     
 

2009年12月14日 星期一

咖哩薯仔牛根腩煲!

 
咖哩唔單只係我嘅飛弗,
 
仲係小魔怪嘅飛弗添!
 
每次我整親咖哩,
 
佢必定要用大湯碗裝飯,
 
因為想撈汁食飯呀!
     
 

2009年12月13日 星期日

今日是西洋菜日!

 
今日係西洋菜日,
 
因為我買咗2大扎,都係$8。
 
為咗唔好浪費,
 
諗吓整D咩嘢餸,
 
用哂佢哋先!

 

2009年12月12日 星期六

藍地季季紅!

 
每年我們都會選擇兩個日子(生日和離逝),
探望已離開我們的父親大人。
每次看到相片裡的父親大人,
總是面露笑容,
感覺上,他永遠是存在我們的心目中。

母親大人每次看到電視或雜誌介紹美食後,
都會不停叫著要去嚐試,
今次目的地是藍地季季紅!

     

2009年12月11日 星期五

黑椒雞翼!

 
聖誕節將近,
 
我又要開始協助籌備幼稚園聖誕慶祝會事宜,
 
佈置課室、預備慶祝會食物、編排坐位和遊戲等;
 
更要訂新學年的書、安排新生入學、協助幼稚園開設下午班的事宜,
 
真係忙忙忙;
 
不過最忙是聖誕假期裡,
 
我們老師要寫學生的上學期評估報告,
 
包括文字和相片報告,
 
1月4日交。
 
我諗一個原本開心愉快的假期,
 
忙忙忙、趕趕趕、寫寫寫的情景下渡過了。
     

2009年12月10日 星期四

濕炒or乾炒好呢???

 
係時候要清清腸胃啦!
 
唔好再食咁多油膩嘢,
 
於是決定今晚煲粥和炒河粉。
 
但我猶疑了很久,
 
究竟濕炒河定乾炒河好呢???
 
之前我成日整乾炒河,
 
嘻嘻!今次就整濕炒河粉啦!
     
 

2009年12月8日 星期二

Pizza hut!

 
大小魔怪除咗鐘意食肯德基家鄉雞之外,
佢哋仲好鐘意食pizza 添!
連奶奶咁老人家(90幾歲啦!),
都嗜愛pizza呢!
為咗滿足大家嘅期望,
於是今日襯工人姐姐放假,
我就叫番餐pizza俾佢哋嘆吓啦!
呢餐總共$288,
我叫咗一個$231套餐。

2009年12月7日 星期一

又有抵食嘢啦!

 
每逢星期一,
 
我都比較清閒,
 
可以早早收工,
 
慢慢行街市,
 
 
(之後幾日我就急急腳買咗就走人!)
 
睇吓有冇平野買,
 
又俾我睇到海鮮檔有平價瀨尿蝦賣,
 
有幾平???
 
真係平到我唔信呀!
 
2斤只係$20咋!
 
咁平,梗係咪走雞買番2斤返屋企,
 
整個椒鹽瀨尿蝦嘆嘆先!
 
(唔知道係咪魚檔哥哥仔想早D收檔,
 
俾咗唔只2斤我呀!我要用個錫紙盆先裝得哂呀!)


 
椒鹽瀨尿蝦
 

材料: 瀨尿蝦2斤、辣椒1隻、蒜蓉和乾蔥蓉
 
調味: 椒鹽粉
 
做法: 洗洗瀨尿蝦後抹乾備用;燒熱油鑊炸瀨尿蝦至熟和皮脆盛起;
 
爆香蒜蓉、乾蔥蓉和辣椒,將瀨尿蝦回鑊快炒,
 
最後加椒鹽粉便成。
 
    
 
 

 
 
  
大家可以入嚟Facebook讚下我新開嘅Fans專頁呀! 

 


 

2009年12月5日 星期六

孜然豬寸骨!

 
自從係中國買咗孜然粉之後,
 
耐不耐我都想用佢嚟整嘢食。
 
不過老公話孜然味道好怪,
 
但大魔怪和我就非常鐘意啦!
 
大魔怪仲話有燒烤嘅風味呀!
 
所以今日放咗工後落到元朗,
 
見到急凍舖有豬寸骨賣,
 
忍唔住我又買咗嚟整啦!
     
 

2009年12月4日 星期五

超超超標啦!

 
見好耐冇食過豆腐,
 
又唔想加肉碎,
 
於是買咗盒什錦海鮮返嚟,
 
加埋雪櫃嘅蟹柳,
 
就咁整咗碟什錦海鮮豆腐啦!
     

2009年12月3日 星期四

橙香骨!

 
近日我喜歡每日都食一個橙,
 
因為鼻敏感常常發作,
 
所以希望增加維他命C會有幫助啦!
 
不過食橙食到悶哂!
 
唯有改改食法,
 
用橙嚟整個餸啦!
 
     

2009年12月2日 星期三

懶人炒烏冬!

 
失眠原來是一件慘事!
 
昨晚瞓到半夜竟然醒咗,
 
平時我會好快會瞓番,
 
不過唔知點解,
 
竟然瞓唔著,
 
仲聽到老公D鼻鼾聲,
 
好嘈呀!
 
睇睇原來得1點幾鐘,
 
唉!唯有推醒佢叫佢唔好嘈,
 
哈哈!老公竟然識得問我佢平時唔嘈咩???
 
我話我點知喎!
 
平時我一覺天光,
 
今日就瞓唔著嘛!
 
唔夠瞓自然冇心情煮餸,
 
唯有食懶人炒烏冬啦! 
 
驚唔夠食,洗咗2杯米煲飯!
 
有飯、有烏冬,仲有餸添!
     
 

2009年11月30日 星期一

黑椒牛柳炒三色椒!

 
上星期買咗包三色椒,
 
用嚟整咗咕嚕肉
 
如果係街市買一盒$5,
 
係佳寶凍肉舖就買$10,
 
百佳買仲貴D添!
 
我咁慳家,梗係買平果D啦!
 
仲要分兩餐食添,
 
好抵呀!(好彩冇雪壞咋!)
 
今日真係三餸一湯,白飯任裝呀!
      
 

2009年11月29日 星期日

柱候芋頭炆腩肉!

 
呢篇post係我預先較定時間出o架!
 
大家估下我去咗邊樹啦!
 
出街前整咗一煲正嘢俾家人食呀!
 
今日要同大家分享係柱候芋頭炆腩肉。
     
 

2009年11月27日 星期五

椒鹽炸魚肉豆腐!

 
經過昨日食冷飯舊餸嘅經驗,
 
今日我整咗自己鐘意食嘅餸菜,
 
給自己一個補償!
 
不過煎魚肉豆腐時,
 
我發覺個pan開始唔聽話,
 
煎到D豆腐黑黑燶燶咁!
 
睇嚟我又要換pan,
 
哈哈!一件換2-3個pan唔係好過分呀!
 
剩番D豆腐魚肉點算???
 
唯有改用鑊炸啦!
     
 

2009年11月23日 星期一

芋頭煎魚肉餅!

 
自從忙完美勞嘉年華後,
 
我哋老師又要開始忙聖誕佈置和慶祝會,
 
近日不停搵書睇吓有冇得參考,
 
希望有幫助啦!
 
另外,我11月開始兼任學校資援老師,
 
咪即係打雜一名,
 
 
咩野都做囉!
 
放遲1個半鐘,
 
都係放2點半咋!(嘻嘻!偷笑中!)
 
人工就加咗少少啦!
 
又加加埋埋D興趣班,(逢三、四、五)
 
搵外快嘛!
 
嘩!發達啦!(唔好話俾老公知呀!)
      
 

2009年11月22日 星期日

情緒低落!

 
今日,心情好不穩定,
一句無心的說話,
竟然令我情緒變得低落,
眼淚不自覺的流下,
好傷心啊!
可能太太太無聊了,
翻看了TVB節目~至8女人心;
待心情平伏後,
又要煮飯了。

     

糖醋骨
     

粉絲蝦米娃娃菜
     

   黑椒洋蔥咸豬手
     

    青紅蘿蔔煲咸豬手湯
 
 
 
 
 
  
大家可以入嚟Facebook讚下我新開嘅Fans專頁呀! 
 
 

2009年11月20日 星期五

又嚟食糖水啦!

 
今日,
 
我一放工第一件事唔係買餸,
 
而係買料煲糖水,
 
今次煲嘅係黑糯米西米糖水。
 
一碗冇加椰汁係奶奶食嘅!

 

2009年11月18日 星期三

腐竹洋薏米雞蛋糖水!

 
呢個腐竹洋薏米雞蛋糖水雖然唔係第一次煲,
但係我第一次加洋薏米;
上次去同事家燒烤,
同事母親煲了這款糖水給我們飲,
感覺好特別,
有嚼勁!
     

2009年11月17日 星期二

又食殘忍~煲仔飯!

 
今早,我嘅鼻敏感又發作,
 
攪到我4點幾又起身,
 
唉!每逢冬天我就慘啦!
 
天氣凍凍哋,
 
而且又睇睇埋埋各位blog友整嘅煲仔飯咁好味道,
 
最梗要係熱辣辣嘛!
 
心思思又整番煲先得!
 
今次唔係雞,係排骨,
 
仲要詢眾要求加多2條臘腸添!
     

2009年11月16日 星期一

孜然豬扒!

 
天氣開始凍啦!
 
明天可能會低至12度,
 
大家真係要著多D衫呀!
 
唔好好似小魔怪咁,
 
今日仲著夏季校服加一件冷衫呀!
 
真係激死我啦!
 
今日睇見blog友提到我介紹佢用孜然粉,
 
嘻嘻!諗落我都好耐冇用嚟煮餸啦!
 
今日我就用孜然粉醃豬扒,
 
俾大家睇吓個製成品嘅大特寫啦!
     
 

2009年11月15日 星期日

熱辣辣煲仔菜!

 
11月15日是長者日,
 
祝各位長者身體健康!
 
做仔女嘅記得孝順佢哋呀!
 
啱啱我和同事帶著一大班小朋友為長者日表演,
 
在場的長者和家長見到這班得意活潑的小朋友又唱又跳,
 
個個都笑到見牙唔見眼啊! 
 
天寒地凍,
 
又啱食煲仔菜嘅時候啦!
 
今次我整嘅係栗子冬菇炆雞煲。

     

2009年11月14日 星期六

好悶呀!

 
今日都唔知道係咩日子,
我竟然感到好無聊,
雖然一家人都係屋企,
但各有各忙,
大魔怪忙做功課,
小魔怪又忙打機,
老公忙睇golf比賽,
我呢???
真係冇咩野好做;
唉!我唯有落街染、焗和剪頭髮啦!
整完頭之後,
到街市行咗一個圈,
決定煲一個我和大小魔怪最鐘意飲嘅湯~西洋菜咸鴨腎煲排骨湯。

       

2009年11月13日 星期五

冬瓜魚肉豆腐煲!

 
昨日的雜錦煲,
 
大小魔怪同老公都食到唔停得口,
 
食完D湯仲熱辣辣o架!
 
可以想像佢哋食得幾快!
 
因為太多料,D湯滿瀉添!
 
於是留番大半碗雞湯今日再用過。

2009年11月9日 星期一

魚肉蓮藕餅!

 
經過前日的放任後(燒烤),
 
今日我又回歸平淡了。
 
買餸煮飯和煲湯。
 

2009年11月6日 星期五

冬菇滑雞臘腸煲仔飯!

 
嘻嘻!由於呢排開始涼涼哋,
 
我又嚟整煲仔飯啦!
 
繼上次整咗冬菇滑雞煲仔飯後,
 
今次加埋老公指定要落嘅臘腸呀!
 
 
冬菇滑雞臘腸煲仔飯
 


材料: 3杯米、臘腸2條、雞一隻、冬菇3隻切片
 
醃料: 豉油、老抽、麻油、糖和粟粉(醃雞用)
 
做法: 浸米一陣後,用大火煲飯至蝦眼水,
 
加臘腸和雞在飯面上轉細火,約煮15分鐘左右,
 
間中轉轉煲的位置,使飯焦能平均D呀!
 
熄火後焗一陣(10分鐘左右),
 
淋上自製豉油便成。(蒸魚豉油、老抽、糖和麻油)
 
 
 

 
 
  
大家可以入嚟Facebook讚下我新開嘅Fans專頁呀! 

 


 

2009年11月5日 星期四

柱候蘿蔔牛腩煲!

 
今日天氣雖然回升至20幾度,
 
我的鼻敏感仍然發作,
 
昨晚睡到半夜,
 
鼻水不知從哪裡走出來,
 
真真辛苦啊!
 
唉!我又要起床吃藥了。
 
 

2009年11月4日 星期三

吞拿魚烤麵包!

 
今晚大小魔怪又話要食宵夜,
好彩老公買咗一大條生命麵包,
咁就整我喜歡的吞拿魚烤麵包啦!
呢個烤麵包係用平底鑊煎煎麵包兩面至少少焦,
再搽自製的吞拿魚沙律醬便成,
簡單又方便!
     
 

2009年11月3日 星期二

咖哩炒青口!

 
呢個11月,
 
 
我間幼兒園有13個新生一齊入學,
 
嘩!學生加家長,都有成幾十人係課室裡面,
 
非常非常忙碌啊!
 
下星期,家長會逐漸離開小朋友,
 
到時佢哋一定會大合奏o架!(喊囉!)
 

2009年11月2日 星期一

黑椒洋蔥炒豬頸肉!

 
經過呢幾日大吃大喝的日子,
 
我真係要收心養性地食得清淡啦!
 
不過,今日行過街市,
 
俾我見到D豬頸肉喎!
 
忍唔住買返一磅返屋企,
 
整番碟豬頸肉嘆吓先!
 
嘻嘻!明天先嚟清淡啦!